Üz ləkələri bəzi xəstəliklər nəticəsində də meydana gələ bilir. Bunu ifadə edən Dermatologiya Mütəxəssisi Dr. Babür Süer: “Dəri ləkələri sızanaq və ya digər dəri zədələri nəticəsində də yarana bilər. Ancaq bəzi xəstəliklər də bu vəziyyətin səbəbləri arasındadır. Məsələn, ekzema və ya sedef kimi xəstəliklər, dərinin qıcıqlanmasına səbəb olan problemlər bu siyahının başındadır. Hamiləlik kimi bəzi hormonal dəyişikliklər və fərdlərin istifadə etdiyi bəzi dərmanlar da dəri ləkələrinə səbəb ola bilər” deyə qeyd etdi.
Üz ləkələrinin yaranmasının qaynağında bir çox faktorun olduğunu ifadə edən Dr. Süer, “Bunlardan birincisi günəş şüalarıdır. Ləkələri müalicə etmək üçün istifadə edilən dərmanlar da dərini günəşə daha həssas edir. Antibiotiklər, kemoterapiya, ürək ritminin pozulması və ya malyariya dərmanları yan təsir kimi ləkələrə səbəb ola bilər. Ləkələr görünəndə qəhvəyi bir görünüş meydana gəlir. Bu cür ləkələr yaşa doldurca daha çox olur” dedi.
“Ləkəsi olan şəxslər bütün mövsümlərdə günəşdən qoruma kremləri işlətməli”
Hiperpiqmentasiya olaraq da adlandırılan ləkələrin müalicəsinə tələbatın fəsillərə görə dəyişdiyini söyləyən Dr. Süer: “Hiperpiqmentasiya üçün əslində bir çox həll yolu var. Bütün ləkə növləri üçün tövsiyə olunan ilk müalicə, təsirlənmiş ərazilərə hər gün SPF 30 və ya daha yüksək olan günəşdən qoruyucu sürtməkdir. Günəş ləkələri olan insanlar bütün fəsillərdə günəşdən qoruyan kremlərdən, papaqlardan və geyimlərdən istifadə etməlidirlər. Mümkün qədər kölgədə qalmalıdır. Vəziyyət müalicə tələb edən bir mərhələdədirsə, müxtəlif müalicələr tətbiq oluna bilər. Ləkə problemi olan xəstələrə ağızdan qəbul edilən və ya krem şəklində tətbiq olunan ağardıcı müalicələr təklif oluna bilər. Ləkə müalicəsi üçün başqa bir müalicə variantı kimyəvi pilinqdir. Bir neçə seansda həyata keçirilən bu üsul xəstəyə və ləkənin növünə görə dəyişir. Lazer müalicəsi də tez-tez ləkəni effektiv şəkildə çıxarmaq və qalıcı nəticələr əldə etmək üçün istifadə olunur.” – deyə qeyd etdi.
Üz ləkələri-nin təkrar olunmaması üçün bəzi müalicələrin davamlı olması vacibdir
Ləkə müalicələrinin bəzən xəstə və həkim üçün çox çətin ola biləcəyini ifadə edən Dr. Süer, “Tətbiq edilən ləkə müalicələri ilə əksər xəstələrdə uğurlu nəticələr əldə edilsə də, ləkələrin təkrarlanmaması üçün müəyyən aralıqlarla bəzi tətbiqlər davam etdirilməlidir. Bütün bu müalicələr ləkənin növünə, sıxlığına və ya xəstənin xüsusiyyətlərinə görə mütəxəssis dermatoloqlar tərəfindən təyin edilməlidir. Bütün ləkələrin çıxarılması prosedurlarının təhlükəsiz şəkildə həyata keçirilməsini təmin etmək üçün xəstələrə mütəxəssis həkimlərə müraciət etməyi tövsiyə edirik.”