Çərşənbə, İyun 12
Shadow

Saç və dırnaq gücləndirən 16 qida növü

423 oxunma

Parlaq saç və güclü dırnaq üçün peşəkarlara getməyə və ya tonlarla pul xərcləməyə ehtiyac yoxdur, çoxu zaman onları gücləndirən qidalar kifayət edir. Həm saçın, həm də dırnaqların qalınlığı və gücü çox vaxt irsi olsa da, qidalanmağınız barmaqlarınız və saçlarınız üçün bahalı bir spa müalicəsi qədər təsirli ola bilər.

Çoxsaylı araşdırmalar göstərir ki, müəyyən növ qidalar bizə parlaq saçlara və sərt dırnaqlara sahib olmağa kömək edir. Saçlarınızı və dırnaqlarınızı sağlam saxlamaq üçün mütəxəssislərin tövsiyə etdiyi 17 növ qida maddəsini həyatınızdan əksik etməyin.

1. Mandarin

Bu kiçik vitamin bombası tərkibindəki C vitamini ilə saçlarınızın uzanmasına və güclü qalmasına kömək edir. C vitamini saçların böyüməsi və inkişafı üçün vacibdir. Üstəlik, bədən tərəfindən istehsal oluna bilmədiyi üçün mandarin kimi C vitamini ilə zəngin qidaların qəbulu sağlam saçlar üçün atılacaq ilk addımlardan biridir.

2. Göbələk

Göbələklər saçlarımızı gücləndirən və parlaq edən D vitamininin zəngin mənbəyidir. Stem Cells Translational Medicine jurnalında dərc edilən araşdırmaya görə, D vitamini yeni tüklərin çıxdığı saç köklərinin inkişafına kömək edir. Buna görə də, lazımi miqdarda D vitamini əlavə etmək saç qalınlığını artırmağa və yaşlandıqca tökülən saçların miqdarını azaltmağa kömək edir.

saç dırnaq gücləndirən

3. Yağlı balıq növləri

D vitamini əldə etməyin zəmanətli yolu somon, skumbriya və ton balığı kimi yağlı balıqları istehlak etməkdir. Onların tərkibindəki omeqa-3 yağ turşularını vardır. The Journal of Steroid Biochemistry and Molecular Biology jurnalında dərc edilən bir araşdırmada qeyd edildiyi kimi, D vitamini də yatmış saç follikullarını stimullaşdırır. Başqa sözlə, bu vitaminin saç incəlməsinin və hətta keçəlləşmə problemlərinin qarşısını almağa kömək edə biləcəyinə dair sübutlar var.

4. İspanaq

Bəzi hallarda, xüsusilə qadınlara gəldikdə, mineral çatışmazlığı saç tökülməsinə səbəb ola bilər. Dermatoloq Carolyn Jacob deyir: “Qidalanmağınızda saç tökülməsinə səbəb ola biləcək heç bir çatışmazlığın olmaması vacibdir”. Çatışmazlığınızı görmək üçün tez-tez protein səviyyələrinizi, dəmir və D vitamini kimi bir neçə qida elementinin ölçülməsini yoxlayın.

İspanaq dəmir mənbəyidir və saç üçün təbii kondisioner kimi çıxış edən sebum komponentini ehtiva edir. Bundan əlavə, ispanaqda çoxlu omeqa-3 turşuları, maqnezium, kalium, kalsium və dəmir var. Bütün bu maddələr birləşdirildikdə göz oxşayan, parlaq və ən əsası tökülməyən saçlara sahib ola bilərsiniz.

5. Günəbaxan tumu

Günəbaxan tumlarında bol olan B5 vitamini saç dərinizə qan axını rahatlaşdıraraq saçlarınızın uzanmasına kömək edir. Clinical and Experimental Dermatology jurnalında dərc olunan hesabata görə, B5 vitamini çatışmazlığı saç tökülməsinə səbəb olan amillər arasındadır. Təxminən 30 qr. Günəbaxan tumları ilə gündəlik B5 vitamini ehtiyacınızın 20%-ni qarşılaya bilərsiniz.

6. Qoz

Dermatology Practical & Conceptual jurnalında dərc edilən araşdırmaya görə, doymamış yağ turşuları olan linoleik turşu və alfa-linoleik turşunun çatışmazlığı saç və qaş tökülməsi və saçların zəifləməsi kimi təsirlərə səbəb ola bilər. Saçlarınızın bu şəkildə zədələnməsini istəmirsinizsə, tərkibində linolenik və alfa-linolenik turşular olan qoz kimi qidaları bol qəbul etməlisiniz.

7. Çuğundur

Bu gözəl yaqut rəngli tərəvəz nitratlar kimi tanınan təbii kimyəvi maddələrlə zəngindir. Bu kimyəvi maddələr bədəndə parçalandıqdan sonra qan dövranını rahatlaşdıraraq, oksigen və qida maddələrinin saç follikullarınıza daşınmasına vasitəçilik edir.

8. Qaragilə

Oksidləşdirici stress saç tökülməsi və sağlam olmayan baş dərisi ilə əlaqələndirilir. Baş dərinizi və saçınızı xoşbəxt saxlamaq üçün onlara oksidləşdirici stressi neytrallaşdıran çoxlu antioksidant vermək lazımdır. Antioksidantla zəngin qaragilə, tərkibindəki B vitaminləri və proantosiyanidinlər sayəsində xüsusilə saç sağlamlığına müsbət təsir göstərir. “The Journal of Investigative Dermatology” jurnalında dərc edilən bir araşdırma göstərdi ki, proantosiyanidin saç böyüməsini gücləndiri.

saç dırnaq gücləndirən qidalar

9. Yumurta

Bir çox saç və dırnaq gücləndirən vasitələrdə B vitaminlərindən biri olan biotin var. Biotinin saça müsbət təsirləri ilə bağlı elmi sübutlar az olsa da, dırnaqları gücləndirdiyi qəti şəkildə bilinir. Ən zəngin biotin qaynaqlarından biri, demək olar ki, hər gün qəbul etdiyimiz yumurtaların sarı hissələrindən başqa bir şey deyil.

10. Badam

Başqa bir əla biotin mənbəyi: badam. Zülal və liflə dolu olan bu badam, gündəlik biotin ehtiyacınızın təxminən 49%-ni qarşılayarkən, arıqlamaq səyləriniz üçün də əla bir qidadır. Üstəlik, badam saç və baş dərisinin maksimum sağlamlığı üçün vacib olan bol E vitamini daşıyır.

11. Çiyələk

Bu ətirli, qırmızı meyvə dırnaqlara ciddi təsirləri ilə sevimlilər sırasındadır. Dietoloq Tanya Zukerbrotun sözlərinə görə, cəmi səkkiz çiyələkdə portağaldan daha çox C vitamini var və dırnaqlarımızı qırılmağa davamlı edən kollagen istehsal etmək üçün C vitamini lazım olduğundan, bu şirin qırmızı meyvə güclü dırnaqlar üçün idealdır.

12. Toyuq

Dırnaqlar əsasən şəffaf keratin zülalından ibarətdir. Buna görə də güclü və sağlam dırnaqlar üçün əzələ inkişafına vacib olan doyurucu zülalları bol qəbul etmək lazımdır. Toyuq və ya hinduşka kimi sadə, yağsız zülal qaynaqları bu işdə sizə kömək edəcək.

13. Kokos yağı

Hər zaman istehlak edilməməli olsa da, kokos yağı dırnaqları gücləndirən və qidalandıran sağlam yağ nümunəsidir. Üstəlik, populyarlığını heç vaxt itirməyən bu yağ boğazınızdan aşağı düşmək məcburiyyətində deyil. Bir çox insanlar kokos yağını pis qalın dırnaqların qarşısını almaq və əlləri nəmləndirmək üçün yerli olaraq istifadə edirlər.

14. Mərci

Mərcimək zülal, dəmir, sink və biotinlə zəngindir və həmçinin bol fol turşusu daşıyır. Bədənimiz dəri və baş dərisinə oksigen çatdıran qırmızı qan hüceyrələrini bərpa etmək üçün də fol turşusuna ehtiyac duyur.

15. Qarpız

Bol su içmək sağlam saç və dırnaq gücləndirən vasitələrdən ən əsasıdır. Odur ki, hər gün kifayət qədər su içdiyinizə əmin olmalısınız, həmçinin tərkibində çox miqdarda su olan qidalar qəbul edərək saç və dırnaqlarınızın güclənməsinə kömək etməlisiniz. Məsələn, yayın ən gözəl giləmeyvələrindən biri olan qarpızın təxminən 92%-i sudan ibarətdir. Bənzər təsirlər üçün qidalanmağınıza xiyar da əlavə edə bilərsiniz.

16. Arpa

Vitamin E, ultrabənövşəyi şüaların yaratdığı zərərləri udaraq dəri hüceyrələrini qoruyan çox güclü antioksidantdır. O, həmçinin saçın sıxlığının azalmasına səbəb ola biləcək baş dərisində günəşin zədələnməsini bərpa edir. Məlumdur ki, xüsusilə E vitaminləri qrupundan olan tokotrienollar baş dərisinə təsirli olur. Arpanın son dərəcə zəngin bir mənbə olduğunu bilmək faydalıdır, baxmayaraq ki, yalnız pəhriz vasitəsilə kifayət qədər tokotrienol əldə etmək bir qədər çətindir.

0 0 səslər
Məqalənin reytinqi
Abunə ol
E-poçt ünvanıma xəbərdar edin
guest
0 Şərh
Daxili Əlaqələr
Bütün şərhlərə baxın
0
Fikirlərinizi çox istərdim, rəy bildirin.x